مــنــتــديــات عــالــم الــشــطــرنــج
أهلا بك أيها الزائر الكريم ، أنت لست مسجلا بعد في منتديات عالم الشطرنج ، نأمل منك التسجيل بالضغط على الزر أدناه

مــنــتــديــات عــالــم الــشــطــرنــج

مـنـتـدانـا يـهـتـم بـلعبـة الشـطـرنـج وكـل مـا يـتـعلـق بـها
 
الرئيسيةاليوميةس .و .جبحـثالأعضاءالمجموعاتالتسجيلدخول
  قال أحد أبطال الشطرنج المشهورين : إذا رأيت نقلة ممتازة فلا تلعبها ! بل تمهل فربما تجد أفضل منها

شاطر | 
 

 ربط الشطرنج بالحياة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
heba55
عضو جديد
عضو جديد
avatar

عدد المساهمات : 2
تاريخ التسجيل : 19/04/2012

مُساهمةموضوع: ربط الشطرنج بالحياة   الخميس أبريل 19, 2012 9:56 pm

ربط الشطرنج بالحياة..
الشطرنج هو حياة مصغرة .. قوانينه هي قوانين الحياة..
------
لكل من أوتى موهبة لعب الشطرنج..
لكل من رأى في بعض الأحيان صور من ربط الشطرج بحياته..
أقدم سلسلة من الدروس عن ربط الشطرنج بالحياة..
دروس يومية حسب ما يتراءى لي..
ولنبدأ ب ..

1 - الدرس الأول :
الإفتتاحية في الشطرنج..
كل واحد ممكن يكون ملتزم بافتتاحية معينة ، وممكن يكون بينوع ..
وممكن يكون مش ملتزم بأي Line خالص وبيلعب كده عشوائيا أو إلهاميا ..
-------
-اللي ملتزم بافتتاحية معينة ومش قادر يغيرها أو يحيد عنها خوفا أو عدم ثقة أو ...... إلخ >>> أوعدك لو غيرتها .. لو بنيت ثقة في نفسك إنك لو لعبت أي افتتاحية ممكن تكسب بيها .. لو بنيت ثقة في نفسك إنك مش ضروري تكون جربتها وكسبت بيها قبل كده ..
لو عملت كده ..
هتلاقي حاجة في حياتك كنت إنت متعود تعملها بشكل معين وبأسلوب معين .. هتلاقيها اتغيرت ..
ولو وصلت لمرحلة إنك كل يوم تلعب بافتتاحية جديدة .. مش لازم دراسة ( مش لاااااااااااااااااااااااااااازم دراسة )
لو وصلت إنك كل يوم تلعب بافتتاحية جديدة كده إلهاميا .. هتلاقيك كل يوم بتعمل حاجة جديدة .. هتكسر ملل وروتين حياتك اللي بيمنعك من التقدم .. بيمنعك من الإستمتاع والإبداع .. ( Prison Break )
- هوا بس حاجز نفسي .. اكسره .. العب لعبة جديدة .. وانبسط بيها .. وبعدين انساها وماتعتمدش عليها في أدوارك اللي بعد كده .. لأن كل دور له ألعابه الجديدة ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
heba55
عضو جديد
عضو جديد
avatar

عدد المساهمات : 2
تاريخ التسجيل : 19/04/2012

مُساهمةموضوع: الدرس الثاني Pawn Ending   الخميس يونيو 21, 2012 8:44 pm

الدرس الثاني
Pawn Ending - نهايات البيادق


نهايات البيادق عاملة زي ضربات الجزاء في كرة القدم .... ممكن تغير مجرى الدور في لحظة ،، على قد ما بتبان بسيطة في الظاهر انما في حقيقتها معقدة جدا ... وبتحتاج حسابات دقيقة لأنها يا أبيض يا أسود ؛ يعني يا تصيب يا تخيب ،،، مش نسبية ومالهاش تعويض..

1- مالهاش علاقة باللي حصل في الدور ،،، دي ليها قوانينها الخاصة
وزي ما ضربات الجزاء منفصلة عن المباراة ،،، يعني سواء الفرقة لعبت حلو أو وحش في المباراة بيكون ليها فرصة متعادلة في ضربات الجزاء ،،، كذلك اند البيادق وقوانينه

2- أهم خاصية فيها انها مش نسبية ،،، مش نسبييييييييييييية ،،، لو غلطت في الحسبة ممكن تضيع منك الدور كله اللي بقالك تلات ساعات بتلعبه ودماغك اتهرت ،،، بحتة حسبة صغيرة
وهنا هنقول ان ضربات الجزاء مافيهاش احتمالات انك تستعرض مهارات اللعيبة ،،، هيا يدوبك شوطة لاعب واحد ويا جون يا بره ،،،

3- على قد ما بتبان بسيطة في الظاهر ؛ يعني ايه ؟؟
يعني تيجي تبص للوحة تلاقي فيها الملكين وكام بيدق كده ،،، يعني لوحة فاضية يتهيألك ان اللعب فيها سهل ،،، على قد ما بتكون معقدة جدا
يعني ايه معقدة ؟؟ يعني المكسب مش سهل بيحتاج 1- لتخطيط 2- لحسبة دقيقة 3- لدراسة 4- توفيق ربنا ؛ يعني ادعي ربنا وانت بتنقل النقلة كده انه يسترها لأن زي ما بقولك ممكن حاجة بس ماتكونش شايفها تقلب مجرى الدور

4- الاحتمالات القليلة ،،، أو المعدودة ،،، يعني ممكن تحصي كل النقلات اللي ممكن تتلعب ،،، على عكس أي مرحلة من مراحل الدور ،،، مش ممكن تحصي كل حاجة هتتلعب
ودي ليها ميزة وعيب ،،، الميزة انك لو دارس كويس تقدر تحقق المكسب ومايبقاش فيه مفاجئات
أما العيب انك لو أخطأت ،،، بتبقى امكانية تعويض الخطأ ضعيفة لأن الإمكانيات محدودة
ولو هاربط النقطة دي بالحياة ،،، فهشبهها بواحد معاه فلوس قليلة على القد ووراه التزامات فمش هييجي يصرف فلوسه في حاجة مش من أولوياته وإلا ممكن مايقدرش يوفي أولوياته وبالتالي هياخد على دماغه ،،، انما لو معاه فلوس كتير ،،، فأي خسارة مش هتأثر فيه أوي زي صاحبنا الأولاني لأنه ما زال يقدر يستوفي أولوياته أو يعوض خسارته


لو هاوصي بحاجة في اند البيادق ،،، يبقى دراسة ثم دراسة ثم دراسة
والأحسن انك تتجنبها ساعة الدور ،،، يعني ما تتمناش وماتهدفش انك تدخل اند البيادق لأن حتى الشطار ممكن بيخطئوا فيها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ربط الشطرنج بالحياة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنــتــديــات عــالــم الــشــطــرنــج :: قسم الشطرنج :: المواضيع المختلفة-
انتقل الى: